कञ्चनपुर,२७ श्रावण : नेपाल कम्युनिस्ट पार्टी निकट विद्यार्थी संगठन अखिल क्रान्तिकारी कञ्चनपुरको दोस्रो बैठक सम्पन्न भएको छ ।शनिबार जिल्लाको महेन्द्रनगरमा सम्पन्न बैठकले लागू औषध नियन्त्रण गर्न अभियान चलाउने निर्णय गरेको संगठनका कञ्चनपुर संयोजक अनील सी ले बताए ।
उनले भने ,“ विभिन्न क्याम्पसका इकाई भेलाहरु सम्पन्न गर्ने , वृक्षारोपण जस्ता रचनात्मक कार्यमा हाम्रो संगठन अगाडि बढ्ने भएको छ ।”
संयोजक अनील कै अध्यक्षतामा भएको बैठकमा नेकपा केन्द्रीय सदस्य तथा कञ्चनपुर जिल्ला इन्चार्ज विराट सी, अखिल क्रान्तिकारी केन्द्रीय सदस्य ललित सी लगायत संगठनका जिल्ला समिति सदस्यहरुको उपस्थितिमा बैठक सम्पन्न भएको छ ।
