पहिरोले घर बगाउँदा बेपत्ता भएका एक जनाको शव फेला

दोलखा । जिल्लाको गौरीशंकर गाउँपालिका-८ सल्लेमा पहिरोले घर बगाउँदा बेपत्ता भएका एक जनाको शव फेला परेको छ । पहिरोमा परी चार जना बेपत्ता भएका छन् ।

पहिरोमा दुई घरमा मानिसहरू बेपत्ता भएको गौरीशंकर गाउँपालिका-८ का वडाध्यक्ष दावारिञ्जि शेर्पाले जानकारी दिए । उनका अनुसार बेपत्ता र घाइतेको पहिचान खुल्न सकेको छैन ।

पहिरोका कारण आधा दर्जन घर पूर्ण रूपमा क्षति भएका छन् । थप विवरण आउन बाँकी रहेको शेर्पाले जानकारी दिए ।