मधेश। मधेस प्रदेश मन्त्रिपरिषद् विस्तार गरिएकाे छ । मुख्य मन्त्री सरोज कुमार यादवले आठ महिनाको अवधिमा छैटौँ पटकमा मन्त्रिपरिषद् विस्तार गरेका हुन् ।
मन्त्री हुनेहरुमा सञ्चारमन्त्रीमा नेपाली कांग्रेसका सप्तरीका मोहम्मद समीम र श्रम तथा यातायातमन्त्रीमा जनमत पार्टीका चन्दन सिंहलाई नियुक्त गरेका छन् । मुख्यमन्त्रीको उपस्थितिमा प्रदेशप्रमुख हरिशङ्कर मिश्रले नवनियुक्त दुवै मन्त्रीलाई शपथ गराए ।
मुख्यमन्त्री यादवले जनता समाजवादी पार्टी जसपाबाट बिना विभागीयमन्त्री रहेकी सुरिता साहलाई मुख्यमन्त्री कार्यालयमा राखिने जानकारी दिए । स्वतन्त्र चुनाव जितेर जसपा प्रवेश गरेकी साह कांग्रेस सरकारमा सहभागी हुँदा बिना विभागीय बनाइएको थियो ।
यसअघि आजै जनमत पार्टीका बिना विभागीयमन्त्री वसन्त कुशवाहा र राज्यमन्त्री सञ्जय यादवले राजीनामा दिएका थिए ।
