२ साउन २०८१, बुधबार
२ साउन २०८१, बुधबार

विप्लव अखिल क्रान्तिकारीले सुदुरपश्चिम सिटिइभिटी कार्यालयमा लगायो ताला

शुल्क वृद्धि खारेज हुनुपर्ने मागसहित क्रान्तिकारीले सिटिइभिटीको प्रदेश कार्यालय धनगढीमा तालाबन्दी गरेको हो ।

धनगढी , श्रावण ०३ : विप्लव नेतृत्वको नेपाल कम्युनिस्ट पार्टी निकट विद्यार्थी संगठन अखिल (क्रान्तिकारी) ले शुल्क खारेजीको माग राख्दै तालाबन्दी गरेको छ । बुधबार संगठनले सिटिइभिटीको धनगढीमा रहेको प्रदेश कार्यालयमा ताला लगाएको हो ।

विद्यार्थीको हित विपरीत मनोमानी ढंगले सिटिइभिटीले बढाएको शुल्क खारेजीको माग सहित सिटिइभिटी कार्यालय धनगढीमा तालाबन्दी गरेको संगठनका सेती ब्युरो इन्चार्ज बबर जंग सीले बताए । शुल्क खारेज नगरे सम्म आन्दोलन निरन्तर चल्ने उनले युग प्रेस सँगको कुराकानीमा भने ।

सिटिइभिटीले केहि दिन अगाडी सामान्य चिकित्सा, डिप्लोमा इन फार्मेसी र पिसिएल नर्सिङमा शुल्क वृद्धि गरेपछि उक्त शुल्क गैरन्यायिक तरिकाले तोकेको भन्दै अखिल क्रान्तिकारीले असार ३१ बाट नै देशैभरि ध्यानाकर्षण पत्र दिने , कार्यालय घेराऊ गर्ने जस्ता संघर्षका कार्यक्रम गरिरहेको थियो ।

सिटिइभिटीले सामान्य चिकित्सामा (HA) २८ % , PCL Nursing मा ३२ % र डिप्लोमा इन फार्मेसीमा २६ % शुल्क वृद्धि गरेको संगठनको आरोप छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
spot_img
spot_img
प्रतिक्रिया

Array

युग प्रेस डटकम

युग प्रेस डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई yugpress9123@gmail.com मा पठाउन वा ९८४८८६७८३३ फोन गर्न सक्नुहुनेछ ।

सम्बन्धित खबर

सामाजिक संजाल

लाेकप्रिय

भर्खरै

spot_img

छुटाउनुभयो कि ?