काठमाडौं । राष्ट्रिय स्वतन्त्र पार्टी (रास्वपा) रुपन्देहीमा दुई समूहबीचको विवाद बाहिरिएर प्रहरि चौकी सम्म पुगेको छ ।
आगामी मंसिरमा महाधिवेशन गर्ने तयारी स्वरुप जिल्ला,क्षेत्र तथा गाउँ तहसम्म पार्टीको संगठन विस्तार गरिरहेको रास्वपाको रुपन्देहीमा दुई समूहबीचको विवाद प्रहरी कार्यालयम्म पुगेको हो ।
रास्वपाका दामोदर खत्रीले पार्टीलाई विधानअनुरूप संचालन गर्नुपर्ने र पार्टीभित्र देखिएका विसंगतिहरू हटाउनुपर्ने आवाज उठाउँदै गर्दा अर्को समूहले आफुमाथि कुटपिट गरेको आरोप लगाएका छन् ।
शनिबार बुटवलमा पत्रकार सम्मेलन गर्दै उनले बुधबार राति कार्यालयमा बोलाएर आफुमाथि कुटपिट गरेको भन्दै प्रहरी कार्यालयमा उजुरी दिएको बताए ।
एउटा समूहले मुद्दा दर्ता गर्न भन्दै निवेदन दिएको र दुबै पक्षलाई छलफलका लागि आज आइतबार कार्यालयमा बोलाइएको इलाका प्रहरी कार्यालय बुटवलले जनाएको छ ।
