कैलाली । बझाङका एक किशोरले आफ्नै बुवा माथि बन्चरो प्रहार गरेका छन । जयपृथ्वी नगरपालिका–११ मयाना घर भएका १६ वर्षीय अमृत रोकायाले उनका ३२ वर्षका बुबा विक्रम रोकायालाई बन्चरो प्रहार गरेर गम्भीर घाइते बनाएका छन् ।
जिल्ला प्रहरी कार्यलय बझाङका सूचना अधिकारी इन्स्पेक्टर रमेशदत्त अवस्थीका अनुसार घरमैँ सुतिरहेको बेला अमृतले बुवालाई बञ्चरो प्रहार गरेका थिए । घटना सोमबार राती भएको बताइएको छ ।बिचबचाउ गर्न खोज्दा अमृतकी आमा पनि घाइते भएकी छन् ।
घाइते विक्रम रोकायाको जिल्ला अस्पतालमा उपचार हुन नसकेपछि मंगलबार धनगढी रिफर गरिएको अवस्थीले बताए ।
