प्रतिनिधिसभाको पहिलो अधिवेशन आजदेखि सुरु हुँदै

काठमाडौँ । नवनिर्वाचित प्रतिनिधिसभाको पहिलो अधिवेशन आज बिहीबार दिउँसो २ बजेदेखि सिंहदरबारमा सुरु हुँदैछ। अधिवेशनको पहिलो बैठकमा संसद्मा प्रतिनिधित्व गर्ने राजनीतिक दलका नेताहरूले सम्बोधन गर्ने कार्यसूची छ।

​संसद् सचिवालयका अनुसार बैठकमा राष्ट्रिय स्वतन्त्र पार्टीका सभापति रवि लामिछाने र नेपाली कांग्रेसका तर्फबाट सांसद भीष्मराज आङ्देम्बेले मन्तव्य राख्नेछन्। यस्तै, नेकपा एमालेका रामबहादुर थापा ‘बादल’, नेपाली कम्युनिस्ट पार्टीका पुष्पकमल दाहाल ‘प्रचण्ड’, श्रम संस्कृति पार्टीका हर्क साम्पाङ र राप्रपाका ज्ञानबहादुर शाहीले पनि सम्बोधन गर्ने तयारी छ। बैठकमा तीनवटा अध्यादेशसमेत पेस गरिने जनाइएको छ।