बिनयी खोलाको सतह बढ्दा सडक अवरुद्ध, जोखिम बढेपछि आवागमनमा प्रहरीको निर्देशन
नवलपरासी । हालैको लगातारको वर्षाका कारण नारायणगढ–बुटवल सडकखण्ड अन्तर्गत बिनयी खोलामा पानीको सतह अत्यधिक बढेपछि सडक अवरुद्ध भएको छ। सवारी साधनको आवागमनमा कठिनाइ हुन थालेको भन्दै जिल्ला प्रहरी कार्यालय नवलपरासी (बर्दघाट सुस्ता पूर्व) ले यात्रु र सवारी चालकहरूलाई वैकल्पिक मार्ग प्रयोग गर्न अनुरोध गरेको छ।
प्रहरीका अनुसार भीषण वर्षाका कारण बिभिन्न स्थानहरूमा माटोसहितको पहिरो खसेको छ। मन्दिर, झुलोला लगायतका क्षेत्रमा सडक भासिएको र ढुंगा, माटो झर्ने क्रम नरोकिएकाले दुर्घटनाको जोखिम समेत उच्च रहेको छ। यस्तो अवस्थामा प्रहरीले अत्यावश्यकबाहेकको यात्रा नगर्न र सुरक्षित विकल्प रोज्न आग्रह गरेको हो।
जिल्ला प्रहरी कार्यालयले निम्न वैकल्पिक मार्गहरू प्रयोग गर्न अनुरोध गरेको छ:
1. पूर्वबाट पश्चिम जाने सवारीका लागि: नारायणगढ–मुग्लिन–पोखरा–स्वास्थ्य चौकी हुँदै बुटवल
2. काठमाडौँबाट पश्चिमतर्फ जानेहरूका लागि: मुग्लिन–पोखरा–स्वास्थ्य चौकी हुँदै गन्तव्य
3. पश्चिमबाट पूर्वतर्फ जाने सवारीका लागि: बुटवल–सञ्जय–पोखरा–मुग्लिन हुँदै गन्तव्य
4. सानातर्फ सवारीका लागि: गैंडाकोट, पिपलटार सडक खण्ड प्रयोग गर्न सकिने
जिल्ला प्रहरी कार्यालयका सूचना अधिकारी तथा प्रहरी नायब उपरीक्षक मधु नेपालद्वारा हस्ताक्षरित प्रेस नोटमा जोखिमयुक्त क्षेत्रबारे जानकारी दिँदै यात्रा गर्दा सतर्कता अपनाउन पुनः अनुरोध गरिएको छ।
