काठमाडौं, । नेकपा एकीकृत समाजवादीले नुवाकोटका रोशन थापालाई युवा संघ नेपालको संयोजकमा चयन गरेको छ। पार्टीका युवा संघ इन्चार्ज तथा पोलिटब्युरो सदस्य लक्ष्मण केसीले थापालाई संयोजक तोकिएको जानकारी दिएका हुन्।
थापाको नेतृत्वमा गठित आयोजक समितिलाई थप सशक्त बनाउन धर्म शाही, संजिव राई, नरेश गिरी, प्रेम प्रधान र फइन्द्र तामाङ सदस्य रहने गरी कार्यदल गठन गरिएको छ।
यसअघि युवा संघको अध्यक्ष रहेका कृष्ण विश्वकर्मालाई पार्टीको निर्णय अनुसार हटाइएको थियो।
पार्टीले जारी गरेको प्रेस विज्ञप्तिमा नयाँ नेतृत्वले संगठनलाई अझ प्रभावकारी बनाउन काम गर्ने विश्वास व्यक्त गरिएको छ।
