टोखामा गए राति भएको दुर्घटनामा परी एक जनाको मृत्यु

त्रिशूली । नुवाकोटको लिखु गाउँपालिका – ६ छहरेमा मिनीट्रकको ठक्करबाट मोटरसाइकलमा सवार एक जनाको मृत्यु भएको छ ।

जिल्ला प्रहरी कार्यालयका प्रमुख शान्तिराज कोइरालाका अनुसार टोखा – छहरे सडकमा गए राति भएको दुर्घटनामा तादी गाउँपालिका – ३ का ३५ वर्षीय विनोद चौलागाईँको मृत्यु भएको हो । दुर्घटनामा एक जना गम्भीर घाइते भएका छन् ।

घाइते हुनेमा तादी – ३ का राजाराम श्रेष्ठ रहेका छन् । निजको ग्रिनसिटी अस्पताल काठमाडाँैमा उपचार भइरहेको छ । दुर्घटनापछि मिनीट्रकका चालक फरार रहेकाले निजको खोजी भइरहेको उनले बताए ।