काठमाडौं। संयोजक राजेन्द्र महतोले पार्टी घोषणा गरेका छन ।लोकतान्त्रिक समाजवादी पार्टी (लोसपा)बाट अलग भएपछि महतोले राष्ट्रिय मुक्ति क्रान्ति अभियान चलाउँदै आउनुभएको थियो।
अभियानको विस्तारित बैठकबाट आज महतोले पार्टी घोषणा गर्दै पार्टीको नाम ’राष्ट्रिय मुक्ति क्रान्ति नेपाल’ रहने घोषणा गर्नुभएको हो। पार्टीको अध्यक्ष महतो नै रहने निर्णय भएको छ ।
महतोका अनुसार कात्तिक पहिलो साता पार्टी निर्वाचन आयोगमा दर्ता गराउने तयारी गरिएको छ। लोसपा नेपालबाट अलग भएर महतोले गत फागुनमा राष्ट्रिय मुक्ति क्रान्ति गठन गरेर विभिन्न अभियान चलाउनुभएको थियो।
