काठमाडौं । टी–२० विश्वकप क्रिकेट सँगै सांगीतिक प्रस्तुति काठमाडौं महानगरपालिकाले टुँडिखेल, तीनकुने र हाँडीगाउँमा प्रत्यक्ष प्रसारण गर्ने तयारी गरेको जनाइएको छ । यी स्थानहरूमा खेल हेर्न कुनै शुल्क तिर्नु पर्दैन । प्रदर्शन स्थल टुँडिखेलमा साँझ ५ बजेदेखि प्रवेश दिइनेछ ।
नेपाली समयअनुसार पहिलो खेल मंगलबार राति सवा ९ बजेदेखि सुरु हुनेछ। यो खेल हेर्नका लागि ठूला एलईडी स्क्रिन राखिनेछन् ।
टुँडिखेलमा खेलको प्रदर्शन सुरु हुनुअगाडि इन्दिरा जोशी, महेश काफ्ले, रचना रिमाल र भ्योमाको सांगीतिक प्रस्तुति हुने महानगरले जनाएको छ ।
