काठमाडौं । आइतबार हावाहुरीसँग परेको चट्याङ लाग्दा रौतामाई गाउँपालिका-७ का ५३ वर्षीय चन्द्रिका तामाङ परियारको मृत्यु भएको जिल्ला प्रहरी कार्यालय उदयपुरले जनाएको छ । उदयपुरका प्रहरी नायव उपरीक्षक राजन चापागाईंका अनुसार चट्याङ लाग्दा परियारको घटनास्थलमै मृत्यु भएको हो ।
हावाहुरीले उदयपुरका विभिन्न स्थानमा रुख ढलेका छन् भने बिजुलीका पोलहरु भाँचिएका छन् ।
जिल्लाका विभिन्न स्थानमा ६८ वटा बिजुलीका खम्बा भाँचिएका विद्युत् प्राधिकरणले जनाएको छ । विद्युतका खम्बा भाँचिएपछि बेलका , कटारी , त्रियुगा र चौदण्डीगढी नगरपालिका क्षेत्रमा विद्युत् अवरुद्ध भएको छ ।
बिजुलीका खम्बा भाँचिँदा १ करोड ५० लाख रुपैयाँभन्दा बढीको क्षति भएको अनुमान गरिएको छ ।
