कैलाली । १४ वर्षीया बालिकालाई जबरजस्ती करणी गरेको आरोपमा ६० वर्षीय आशाराम चौधरी पक्राऊ परेका छन् । टीकापुर नगरपालिका –१ शक्ति नगर शिविर बस्ने चौधरीलाई बलात्कार आरोपमा पक्राऊ परेका हुन् ।
चौधरीले ती बालिकालाई ललाई फकाई सोही ठाउँस्थित कैलाशेश्वर सामुदायिक वनभित्र लगेर जबरजस्ती करणी गरेको भन्ने उजुरीको आधारमा ईलाका प्रहरी कार्यालय टीकापुरबाट खटिएको प्रहरीले उनलाई पक्राउ गरेको जनाइएको छ ।
यस सम्बन्धमा प्रहरीले थप अनुसन्धान गरिरहेको छ ।