काठमाडौँ । एसिसी वुमेन्स प्रिमियर कप २०२४ अन्तर्गत कुवेतले नेपाललाई ७४ रनको टार्गेट दिएको छ । टस जितेर पहिले ब्याटिङ गरेको कुवेतले निर्धारित २० ओभरमा ९ विकेट गुमाएर ७३ रन जोडेको हो।
कुवेतका लागि प्रियदा मुरलीले २९ रन बनाइन्। बालासुव्रमणि शान्ति र खाज्दिजा खालिलले १३-१३ रन बनाए। बाँकी ब्याटरले दोहोरो अंक जोड्न सकेनन्।
खेलमा नेपालकी सीता रानामगरले ह्याट्रिक गरेकी छिन्। सीता ३ र कविता कुँवर र रुवीना क्षेत्रीले दुईदुई विकेट लिए।
ओभरको दोस्रो बलमा कुवेतकी ओपनर प्रियदा मुरलीलाई २९ रनमा एलबीडब्लूको धरापमा परिन्। अर्को बलमा मेयर ओमारनलाई शून्यमा विकेटकिपर कजलबाट स्टमपिन गराइन्।
ओभरको चौथो बलमा कुवेतकी कप्तान अम्ना शरिफ तारिकलाई पनि शून्यमा एलबिडब्लूको धरापमा परेपछि उनीले ह्याट्रिक पूरा गरिन् ।
