काठमाडौं । नेकपा (एकिकृत समाजवादी)ले सत्तागठबन्धन बैठकमा राष्ट्रियसभाको अध्यक्ष आफूहरुले पाउनुपर्ने माग अघि सारेको छ । माघ ११ गते १९ सिटका लागि हुन लागेको निर्वाचनमा ३ सिटमा दाबी गरेको एकिकृत समाजवादीले दाबीअनुसारको सिट नदिने भए अध्यक्ष दिनुपर्ने अडान राखेको हो । बैठकमा सहभागी एक नेताले एकिकृत समाजवादीले ३ सिट नपाउने भए राष्ट्रियसभाको अध्यक्ष पद पाउनुपर्ने दाबी गरेको बताए ।
शनिबार बसेको सत्ता गठबन्धन आबद्ध दलका नेताको बैठकमा एकीकृत समाजवादीलाई दुई सिट मात्रै दिने भनिएपछि अध्यक्ष माधवकुमार नेपाल बैठक छाडेर हिँडेका थिए ।
अहिले बालुवाटारमा सत्ता गठबन्धनको नेताहरू छलफलमा छन् । बैठकमा हिजो राति अबेरसम्म बनाइएको खाकालाई अन्तिम रूप दिइने नेताहरूले बताएका छन् ।
