प्रधानमन्त्री वालेन्द्र शाहले आफ्नो सचिवालयमा २७ जनालाई नियुक्ति दिएका छन्। प्रमुख प्रतिपक्षी दल नेपाली कांग्रेसकी सांसद सीता थपलियाले सोधेको लिखित प्रश्नको जवाफमा प्रधानमन्त्री तथा मन्त्रिपरिषद् कार्यालयले सो जानकारी दिएको हो।
कार्यालयका अनुसार मुख्य सल्लाहकार कुमार बेन र राजनीतिक सल्लाहकार असिम शाहलाई मन्त्री सरह तथा अन्य दुई सल्लाहकारलाई राज्यमन्त्री सरहको सेवा-सुविधा दिइएको छ। प्रधानमन्त्रीको सचिवालयमा अधिकतम ४८ जनासम्म राख्न पाइने व्यवस्था छ।
यस्तै, प्रधानमन्त्रीले अन्य मन्त्रीहरूलाई पनि १३ जनासम्मको सचिवालय र सल्लाहकार राख्न पाउने दरबन्दी स्वीकृत गर्नुभएको छ। तर, नियुक्तिबाट राज्यकोषमा पर्ने आर्थिक भार र प्रयोग भएका गाडीहरूको विवरण नदिइएको भन्दै सांसद थपलियाले असन्तुष्टि व्यक्त गर्नुभएको छ।
