काठमाडौं । मेडिकल व्यवसायी तथा गणतन्त्र विरोधी अभियन्ता दुर्गा प्रसाईंको घरलाई सुरक्षाकर्मीले घेरा हालेर राखेका छन् । प्रसाईंकाे घर भक्तपुर पुगेर प्रहरीले वरपरबाट ठूलो संख्यामा घेरा हालेको हाे ।
आज (शुक्रबार) पनि प्रसाईंले तीनकुनेमा प्रदर्शन गर्ने बताएपछि उहाँलाई घरबाटसमेत निस्कन नदिई आफ्नै घरमा नजरबन्द गराउने उदेश्यसहित प्रहरीले घेरा हालेको उच्च स्रोतले जानकारी दिएकाे छ ।
‘आज उहाँको प्रदर्शनको कुनै ठाउँ तोकिएको छैन । प्रदर्शनका लागि बाहिर निस्कन नदिने हाम्रो रणनीति हो’ एक उच्च सुरक्षा अधिकारीकाे भनाइ छ ।
प्रसाईंको अगुवाईमा बिहीबार भएको प्रदर्शनमा पाँच प्रहरीसहित २८ जना घाइते भएका थिए । नागरिक बचाउ अभियानका नाममा प्रसाईंले अराजक शैलीमा भाषण गर्नेदेखि प्रदर्शन गर्ने र गणतन्त्र फालेर राजा ल्याउनेसम्म बताउँदै आउनुभएकाे छ ।
