कर्णाली करिडोर अन्तरगत कालेखोको जिरो पोइन्टमा कामगर्ने क्रममा माथिबाट खसेको पहिरोमा च्यापिएर डोजर चालकको मृत्यु भएको छ।
मृत्यु हुनेमा कालिकोट जिल्लाको पचालझरना गाउँपालिका ८ का चालक धिर संज्याल रहेको प्रहरीले जनाएको छ।
काम गर्ने क्रममा माथिबाट पहिरो खस्दा डोजरमै च्यापिएर घटनास्थलमै चालकको मृत्यृ भएको बताईएको छ ।
अहिले कर्णाली करिडोर पूर्णरुपमा बन्द छ।डोजरमा पनी क्षेती पुगेको स्थानीयको भनाइ छ । प्रहरी उद्धारको लागि प्रयास गरेको भएता पनी रात परिसकेकाले अहिले सम्भव नभएको र बिहान मात्र उद्धार गर्न सकिने प्रहरीको भनाइ छ।धेरै पहिरो खसेका कारण उद्धार गर्न नसकिएको प्रहरी कार्यालय कालिकोटले जनाएको छ।
