बारा। आफ्नै श्रीमानको हत्या गराएको आरोपमा श्रीमती पक्राउ परेकी छिन् ।
भारतको मोतिहारी जिल्ला, दर्पा थाना–१, सुक्लहिया बस्ने २३ वर्षीया सोनम सहनी सिंहलाई आफ्नो श्रीमान अजित कुमार सिंहको हत्या गरेको आरोपमा पक्राउ गरिएको हो ।
बारा प्रहरीका अनुसार ,गत असोज ९ गते बाराको पचरौता नगरपालिका–६ स्थित लक्ष्मिनियामा अजित कुमार सिंहको गोली हानी हत्या गरिएको थियो । सिंहको हत्याको मुख्य योजनाकार उनीकी श्रीमति सोनम रहेको प्रहरी अनुसन्धानबाट खुलेको छ।
हत्यामा सलंग्न अन्य पाँच जना अझै फरार छन्। भारतको मोतिहारी जिल्ला, दर्पा थाना–१, सुक्लहिया वस्ने वर्ष २५ का सुजित कुमार सिंह, सोही ठाउँ निवासी वर्ष २४ का चन्चल पाण्डे, वर्ष २२ का मनिष कुमार सहनी, वर्ष २० का कामेश्वर सहनी र वर्ष २० का रञ्जीत मुखिया फरार रहेको प्रहरीले जनाएको छ।
