खाना पकाउने ग्यास लिक हुँदा जलेर दार्चुलामा एक जनाको मृत्यु

दार्चुला : खाना पकाउने ग्यास लिक हुँदा जलेर घाइते भएका दार्चुलाका अमरसिंह ठगुन्नाको मृत्यु भएको छ।

नौगाड गाउँपालिका–३ जामिरका ८० वर्षीय ठगुन्ना बुधवार बिहान चिया पकाउने क्रममा ग्यास लिक हुँदा जलेर घाइते भएका थिए। घाइते भएका उनलाई स्थानीयको सहयोगमा गोकुलेश्वर अस्पताल लगिएको थियो। गोकुलेश्वरमा उपचार सम्भव नभएपछि थप उपचारका लागि नेपाली सेनाको हेलिकोप्टरमार्फत काठमाडौं लैजाने भनीएपनी नेपालगंज लगिएको थियो। उनको नेपालगंजमा उपचारकाक्रममा मृत्यु भएको हो।