काठमाडौं । एट्लेटिको मड्रिडले स्पेनिस ला लिगामा रोमाञ्चक जित हात पारेको छ ।
जितसँगै एट्लेटिको ७ खेलमा १६ अंकसहित लिगको चौथौ स्थानमा उक्लिएको छ ।
मड्रिडले घरेलु मैदानमा काडिजलाई ३–२ ले स्तब्ध पार्यो । सुरुवाती २७ मिनेटसम्म दुई गोलले पछि परेको मड्रिडलाई सानदार पुरागमनसहित जित दिलाउन एन्जल कोरियाले दुई तथा नाहुइल मोलिनाले एक गोल गरे ।
खेलको १२औँ मिनेटमा लुकास पिरेज र २७ औँ मिनेटमा रोजर मार्टीले गोल गर्दै काडिजका लागि उत्कृष्ट सुरुवात गरेका थिए । तर अर्जेन्टिनी स्टार एन्जल कोरियाले ३२ र ६६ औँ मिनेट तथा अर्जेन्टिनाकै नाहुइल मोलिनाले ४६ औँ मिनेटमा गोल गरेपछि एट्लेटिकोले रोमाञ्चक जित आत्मासाथ गर्यो ।
