कञ्चनपुर : पेशागत बीमा अभिकर्ता संघ नेपाल महेन्द्रनगर शाखाको अध्यक्षमा डम्बर बहादुर विष्ट चयन भएका छन्। सोमबार पेशागत बीमा अभिकर्ता संघ नेपाल बिमक समिति नेशनल लाइफ इन्स्योरेन्स कम्पनी लिमिटेड महेन्द्रनगर शाखाले एक कार्यक्रमको आयोजना गरी विष्टलाई अध्यक्षमा चयन गरेको हो।
कार्यक्रमबाट उपाध्यक्षमा उत्तम बहादुर बोहरा, सचिवमा तारा जोशी अवस्थी, सह-सचिवमा ममता कुँवर विष्ट, कोषाध्यक्षमा पुनम जोशी तथा सदस्यमा भक्त बहादुर बुढा, पुष्पा चन्द, अन्जु न्यौपाने, राधा काफ्ले रेग्मी चयन भएका छन् भने सल्लाहकार सदस्यमा राजेन्द्र बहादुर चन्द, धन सिंह ठगुन्ना, खडक बहादुर खाती, लक्ष्मी दत्त जोशी, पार्वती नेगी, नवराज अवस्थी र कानुनी सल्लाहकारमा डम्बर चन्द चयन भएका छन्।
