९ असार २०८१, आइतवार
९ असार २०८१, आइतवार

बलिउडका चर्चित अभिनेता रविन्द्र महाजनीको निधन

मुम्बई । बलिउडका चर्चित अभिनेता रविन्द्र महाजनीको निधन भएको छ । पुणेको अम्बी गाउँमा भाडाको फ्ल्याटमा बस्दै आएका रविन्द्र त्यही फ्ल्याटमा मृत फेला परेका हुन् । ७७ वर्षका उनी अक्सर यही फ्ल्याटमा बस्न आउने गर्थे ।

घरबाट दुर्गन्ध आएपछि मात्र छिमेकीले प्रहरीलाई खबर गरे पछी प्रहरी घटनास्थलमा पुगेर फ्ल्याटको ढोका खोल्दा रविन्द्र मृत अवस्थामा रहेको भेटिएका थिए । रवीन्द्रको मृत्यु दुई-तीन दिन अघि भएको हुनसक्ने प्रहरीको अनुमान छ ।

प्रहरीका अनुसार रविन्द्र महाजनी मुम्बईका बासिन्दा थिए । उनी करिब ८ वर्षदेखि तलेगाउँ दाभाडेको अम्बीस्थित जरबिया सोसाइटीमा भाडाको अपार्टमेन्टमा एक्लै बस्दै आएका थिए । शुक्रबार साँझ करिब ४ः३० बजे अपार्टमेन्टबाट दुर्गन्ध आए पछि छिमेकीले प्रहरीलाई खबर गरेका थिए । त्यसपछि तलेगाउँ एमआईडीसी प्रहरी चौकीको टोली घटनास्थलमा पुगेर अपार्टमेन्ट भित्रबाट ताला लगाएको फेला पारेको थियो । स्थानीय बासिन्दाको उपस्थितिमा प्रहरीले ढोका तोडेर भित्र रविन्द्रको शव फेला पारेको थियो ।

रविन्द्र महाजनी अभिनेता गश्मिर महाजनीका पिता थिए । रविन्द्रले हिन्दी सिनेमासँगै मराठी फिल्ममा पनि काम गरेका थिए । उनलाई मराठी फिल्म उद्योगका विनोद खन्ना पनि भनिन्छ। किनभने उनको व्यक्तित्व र लुक्स दुवै विनोद खन्नासँग मिल्दोजुल्दो थियो । अभिनयका साथसाथै रविन्द्रले धेरै मराठी फिल्मको निर्देशन पनि गरेका थिए ।

अमिताभ बच्चन स्टारर सात हिन्दुस्तानीमा रविन्द्र महाजनीले प्रहरी निरीक्षकको भूमिका निभाएका थिए । यो उनको पहिलो बलिउड फिल्म थियो । त्यसपछि उनले मराठी फिल्म आराम हराम आहे, दुनिया करी सलाम, हल्दी कुंकुमा अभिनय गरे। यस बाहेक उनले मुम्बई चा फौजदार  झुंज, कलात नकालत मा काम गरेका थिए । उनको फिल्म  ‘लक्ष्मीची पावले’ ब्लकबस्टर भएको थियो ।  सन् २०१५ मा उनले फिल्म ‘के राव तुम्ही’ बाट कमब्याक गरेका थिए ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (100%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
प्रतिक्रिया

Array

युग प्रेस डटकम

युग प्रेस डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई yugpress9123@gmail.com मा पठाउन वा ९८४८८६७८३३ फोन गर्न सक्नुहुनेछ ।

सम्बन्धित खबर

सामाजिक संजाल

लाेकप्रिय

भर्खरै

spot_img

छुटाउनुभयो कि ?