अन्तराष्ट्रिय क्रिकेट काउन्सिल आइसीसीले सन् २०२५ मा पाकिस्तानमा तय भएकाे आइसीसी च्याम्पियन्स ट्रफि वेस्टइन्डिज र अमेरिकामा आयोजना गर्ने विषयमा तयारी गरेकाे जनाइएको छ ।
न्यूज १८ को रिपोर्ट अनुसार आईसीसीले आईसीसी च्याम्पियन्स ट्रफीको आयोजना अधिकार पाकिस्तानबाट खोसेपछि उनीहरुलाई आईसीसीले जरिवाना पनि गर्न सक्नेछ । तर,यी छलफलहरू प्रारम्भिक चरणमा छन् र मौखिक रूपमा मात्र भएका छन् ।
यसै वर्ष सेप्टेम्बर–अक्टोबरमा हुने एसिया कपको आयोजनाको अधिकार पनि पाकिस्तानले पाएको छ, तर भारतले पाकिस्तानमा खेल्न अस्वीकार गरेपछि यो आयोजना पनि सन्तुलनमा फसेको छ । पीसीबी प्रमुख नजम सेठीले यस प्रतियोगितामा भारतका लागि हाइब्रिड मोडल पनि ल्याएका छन्, जसमा पाकिस्तानले ४ खेल मात्रै आयोजना गर्ने र बाँकी खेल युएईमा खेलाइने छ,तर पाकिस्तानको यो प्रस्तावमा अहिलेसम्म छलफल भएको छैन ।
