काठमाडौंको । काठमाडौं ठमेलमा ६ महिनादेखि लिभिङ टुगेदरमा बस्दै आएका युवा युवती बीच झगडाका भाई प्रेमीको कुटाई बाट एक युवतीको मृत्यु भएको छ । मृत्यु हुनेमा चितवन राप्ती नगरपालिका–७ घर भएकी २६ वर्षीया जेनिशा तामाङ हुन् ।
जेनिसाको हत्या आरोपमा उनका प्रेमी काभ्रे धुलिखेल नगरपालिका १० का ३० वर्षीय अमर रञ्जितकारलाई प्रहरीले पक्राउ गरेको छ । उनीहरु काठमाडौं महानगरपालिका–२६ ठमेल भगवती बहालस्थित एक घरमा भाडामा सँगै बस्दै आएका थिए ।
मादक पदार्थ सेवन (मापसे) गरी आपसमा सामान्य विवादपछि कुटपिटको घटना भएको प्रहरी अनुसन्धानमा देखिएको छ । घटनापछि युवक स्वयंले जेनिसालाई उपचारका लागि अस्पताल पु¥याएका थिए ।
गम्भीर घाइते भएकी युवतीको मंगलबार महाराजगञ्जस्थित शिक्षण अस्पतालमा उपचारको क्रममा मृत्यु भएको काठमाडौं प्रहरीले जनाएको छ । प्रहरीले मंगलबार नै युवकलाई पक्राउ गरी अनुसन्धान अघि बढाएको छ ।
