इरानबाट दुई साताभित्रै अमेरिकी सेना फिर्ता हुने ट्रम्पको घोषणा

अमेरिकी राष्ट्रपति डोनाल्ड ट्रम्पले इरानमा जारी सैन्य अभियान चाँडै समाप्त हुने र आगामी दुईदेखि तीन हप्ताभित्र अमेरिकी सेना फिर्ता हुने घोषणा गरेका छन्। ह्वाइट हाउसमा बोल्दै ट्रम्पले इरानको आणविक क्षमता ध्वस्त पार्ने लक्ष्य हासिल भएको र अब त्यहाँ अमेरिकी सेना रहिरहनुको औचित्य नभएको दाबी गरे।
उनका अनुसार इरानको आकाशमा अहिले अमेरिकाको पूर्ण नियन्त्रण छ र इरानी पक्ष वार्ताका लागि तयार देखिएको छ। सैन्य अभियान अन्त्यसँगै विश्व बजारमा तेलको मूल्य घट्ने आश्वासन समेत ट्रम्पले दिएका छन्।