राष्ट्रिय स्वतन्त्र पार्टीका सभापति रवि लामिछानेविरुद्धको सम्पत्ति शुद्धीकरण र सङ्गठित अपराधसम्बन्धी रिटमा सर्वोच्च अदालतले आज पनि सुनुवाइ नसकिएपछि ‘हेर्दाहेर्दै’ मा राखेको छ। न्यायाधीशद्वय विनोद शर्मा र अब्दुल अजिज मुसलमानको इजलासमा बहस जारी रहेकाले निर्णय आउन बाँकी छ।
महान्यायाधिवक्ताको कार्यालयले लामिछानेविरुद्धको अभियोग संशोधन गर्ने निर्णय गरेपछि अधिवक्ता दिनेश त्रिपाठी र युवराज सफलले उक्त निर्णय बदरको माग गर्दै रिट दायर गरेका थिए। रिटमा कानुनी प्रक्रियालाई प्रभावकारी बनाउन र अनुसन्धानमा अवरोध नगर्न माग गरिएको छ।
