​सर्लाहीमा स्कारपियोको ठक्करबाट एकको मृत्यु, ११ घाइते

सर्लाहीको बरहथवा नगरपालिका–१० सीतापुरमा शुक्रबार साँझ स्कारपियोले ठक्कर दिँदा एक जनाको मृत्यु भएको छ भने ११ जना घाइते भएका छन्। बरहथवाबाट सीतापुरतर्फ जाँदै गरेको डि एल ९ सि जेड ०७७७ नम्बरको स्कारपियोले विवाहका जन्तीहरूलाई ठक्कर दिएको थियो।

​दुर्घटनामा बरहथवा–९ का ५० वर्षीय नारायण जर्गा मगरको उपचारका क्रममा मृत्यु भएको प्रहरीले जनाएको छ। घाइते ११ जनाको स्थानीय अस्पतालहरूमा उपचार भइरहेको छ भने चालक नरेश ठाकुरलाई प्रहरीले नियन्त्रणमा लिएर अनुसन्धान सुरु गरेको ।