अमेरिकी राष्ट्रपति ट्रम्पले इरानमाथि सम्भावित सैन्य हमलाको चेतावनी दिइरहँदा इरानले अमेरिकाको जुनसुकै गतिविधिलाई ‘आक्रमणको कार्य’ मान्ने र त्यसको कडा प्रतिवाद गर्ने चेतावनी दिएको छ। इरानले आफ्ना सैन्य कमान्डरहरू मार्फत क्षेत्रीय सुरक्षा र आफ्नो सार्वभौमसत्तामाथि हुने हस्तक्षेप स्वीकार्य नहुने स्पष्ट पारेको छ।
जेनेभामा हुन लागेको आगामी वार्तामा इरानले मुख्यतया आफूमाथि लगाइएका आर्थिक प्रतिबन्धहरू हटाउनुपर्ने र आणविक कार्यक्रमलाई शान्तिपूर्ण रूपमा अगाडि बढाउन पाउनुपर्ने माग राख्दै आएको छ। अमेरिकी सेनाभित्रै पनि इरानसँगको युद्धले ठुलो जोखिम निम्त्याउने र सहयोगीहरूको साथ नपाइने चिन्ता व्यक्त भइरहेको सन्दर्भमा, इरानले वार्तालाई तार्किक निष्कर्षमा पुर्याउन अमेरिका गम्भीर हुनुपर्ने अडान राखेको छ।
