निर्वाचनका लागि तीन दिन सार्वजनिक बिदाको सिफारिस

फागुन २१ गते हुने प्रतिनिधिसभा निर्वाचनका लागि निर्वाचन आयोगले सरकारलाई तीन दिन सार्वजनिक बिदा दिन सिफारिस गरेको छ। आयोगले मतदाताहरूको सहज सहभागिता सुनिश्चित गर्न फागुन २०, २१ र २२ गते बिदा दिन प्रस्ताव गरेको हो।

यदि सरकारले यो सिफारिस स्वीकृत गरेमा मुलुकमा लगातार ७ दिन सार्वजनिक बिदा हुनेछ। फागुन १८ र १९ गते होली पर्व, २० देखि २२ सम्म निर्वाचन बिदा र २३ तथा २४ गते शनिबार र अन्तर्राष्ट्रिय नारी दिवस परेकाले लामो बिदा हुने सम्भावना देखिएको हो। यद्यपि, बिदाबारे अन्तिम निर्णय हुन बाँकी छ।