एजेन्सी । भारतीय विदेश मन्त्रालयले शुक्रबार आयोजना गरेको पत्रकार सम्मेलनमा कर्नेल सोफिया कुरैशीले बिहीबार राति भारतका विभिन्न भागमा भएका आक्रमणबारे जानकारी दिएकी छन्।सोफिया कुरैशीले भनिन्, ‘पाकिस्तानी सेनाले बिहीबार राति सैन्य पूर्वाधारलाई निशाना बनाएको थियो।’ उनले थपिन्, ‘पाकिस्तान तर्फबाट ३०० देखि ४०० ड्रोन छाडिएका थिए।’
यद्यपि, पाकिस्तानका रक्षामन्त्रीले यसअघि नै आक्रमण अस्वीकार गरिसकेका छन्। कर्नेल सोफियाले भनिन्, ‘लेहदेखि सर क्रिकसम्मका ३६ स्थानमा ३००-४०० ड्रोनले घुसपैठ गर्ने प्रयास गरे। भारतीय सुरक्षा बलले काइनेटिक र गैरकाइनेटिक माध्यम प्रयोग गरेर ती ड्रोन खसाले।’
