सन्दिप घिमिरे
हेटौडा । नेपाल बुद्धिचाल महासंघले तय गरेको नयाँ वार्षिक क्यालेण्डर कार्यक्रम अन्तर्गत २५ औं पुरुष तथा १० औं महिला राष्ट्रिय बुद्धिचाल प्रतियोगिता माघको १३ आइतबार देखि १९ गते सम्म सञ्चालन हुने प्रतियोगिताको तयारी पूरा भएको हेटौंडा स्थित होटल सामनामा पत्रकार सम्मेलन मार्फत जानकारी गराएका छन्।
नेपाल बुद्धिचाल महासंघको आयोजनामा सञ्चालन हुने उक्त राष्ट्रिय बुद्धिचाल प्रतियोगिता हरित हेटौंडा मकवानपुरको हेटौंडा स्थित तारे होटल सामनामा हुने प्रतियोगिता संयोजकको महासचिव धरम बहादुर लामाले बताए।
प्रतियोगितामा दुबै विधा तर्फ नै पूर्व निर्धारित फर्म्याट अनुसार सिनियर नेशनल च्याम्पियनका शिर्ष ३ खेलाडी र नेशनल बी वाट छनौट भएका उत्कृष्ट ९ खेलाडी बिच जम्मा ११ चरणको खेल प्रतिस्पर्धा हुनेछ।
जसमा पुरुष तर्फ नेपाल च्याम्पियन, दोश्रो अनि तेस्रो राजन सुवेदी, शुश्रुत दहाल, क्षितिज भण्डारी सहित नेशनल बी वाट छनौट भएका पुरुषोत्तम सिलवाल, आशिष फूँयाल, एफएम रुपेश जैसवाल, विनय थापा, सुरोज महर्जन, धिरेन राई, सिएम नवीन तण्डुकार र एफएम रिजेन्द्र राजभण्डारी खेल्नेछन्।
यसैगरी महिला तर्फ नेशनल वोमन शीर्ष तिन सिन्दिरा जोशी, कृतिसारा अधिकारी, सहित बिनिता कपाली, लक्ष्मी कँडेल, इशा गिरि, शान्ति धिमाल, दानिशा पुरी, शुशीला गुरुङ, पुनम प्रसाईं , एञ्जल महर्जन, निहाना श्रेष्ठ र नायुमा मगर बिच प्रतिस्पर्धा हुने भएको छ।
राष्ट्रिय प्रतियोगिता सञ्चालन गर्न अन्तर्राष्ट्रिय आर्विटर यज्ञप्रसाद पन्तलाई प्रमुख निर्णायकको जिम्मेवारी प्रदान गरिएको छ भने फिडे आर्विटर सोराज ताम्राकार, एफए मिशन दहाल, एफए सन्दिप धिमिरे र एनए रमिला पोखरेलको टिम रहने भएको छ।
नेपाल बुद्धिचाल महासंघले २५ औं पुरुष तथा १० औं महिला राष्ट्रिय बुद्धिचाल प्रतियोगिता सम्पन्न गर्न कूल अनुमानित खर्च २४ लाख ५० हजार हुने समेत अवगत गराएका छन्। बाग्मती खेलकुद बिकास परिषद् तथा स्थानीय तह सँगको सहकार्यमा प्रतियोगिता सम्पन्न गर्नेछ।
विजेता खेलाडीलाई 2025 मे १० देखि १९ सम्म श्रीलंकामा हुने एशियन जोनल च्याम्पियनसिप, दुवईमा हुने एशिययन कन्टिनेन्टल र 2926 मा उब्जेकिस्तानमा हुने चेस ओलम्पियाडमा सहभागी गराइने भएको छ ।
नेपाल बुद्धिचाल महासंघका अध्यक्ष हेराकाजी महर्जनले महासंघले आयोजना गर्ने आधिकारिक प्रतियोगिताहरु अंग्रेजी क्यालेन्डर अनुसार डिसेम्बरसम्मा सम्पन्न गर्ने जानकारी दिए।
उक्त अवसरमा कोषाध्यक्ष तारा बहादुर रानाभाट , बागमती प्रदेश खेलकुद परिषदका सदस्य संगित श्रेष्ठ लगायतको उपस्थिति रहेको थियो।
