लस एन्जलसमा डढेलोका कारण मृत्यु हुनेको संख्या २४ पुग्यो

काठमाडौं — अमेरिकाको लस एन्जलसमा डढेलोका कारण मृत्यु हुनेको संख्या २४ पुगेको छ । डढेलो बस्तीमा फैलिँदा मृत्यु हुनेको संख्या बढ्दै गएको बीबीसीले जनाएको छ । १६ जना बेपत्ता भएका छन् । केही दिन हावाको गति केही कम भए पनि पुनः तीव्र गतिमा हावा चलिरहेको छ । हाल प्रतिघण्टा ६० माइलको दरले हावा चलिरहेको छ । जसका कारण डढेलो धेरै भूभागमा फैरिहेको रहेको बताइएको छ ।बस्तीसहित ३८ हजार एकडभन्दा बढी जमिन, सयौँ घर र गाडीहरू जलेका छन् । लस एन्जलसका अधिकारीहरूले स्थानीय स्वास्थ्य आपतकाल घोषणा गरेका छन् । वायुको गुणस्तर ‘निकै प्रदूषित’ रहेको छ । खरानीका सूक्ष्म कण र धुवाँले आकाश ढाकिएको छ ।