काठमाडौं । नेपाल प्रिमियर लिग (एनपीएल) मा आज दुई खेल हुँदै छन् । आजको पहिलो खेलमा लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदै छ ।
त्रिवि क्रिकेट मैदानमा बिहान ९ बजेबाट खेल सुरू हुनेछ ।
एनपीएलमा दुवै टोलीको यो तेस्रो खेल हो । अहिलेसम्म लुम्बिनी जितविहीन छ भने सुदूरपश्चिम यसअघिका दुवै खेलमा विजयी भएको थियो । सुदूरपश्चिमले आफ्नो पहिलो खेलमा विराटनगर किंग्सलाई ९० रनले तथा दोस्रोमा काठमान्डु गुर्खाजलाई ७३ रनले हराएको थियो । यस्तै, लुम्बिनी भने पहिलो खेलमा विराटनगर किंग्ससँग र दोस्रोमा पोखरा एभेन्जर्ससँग पराजित भएको थियो ।
