काठमाडौं । क्रिकेटर सन्दीप लामिछानेलाई उच्च अदालत पाटनले सफाइ दिएको छ । उनलाई बलात्कार मुद्दामा पाटन उच्च अदालतले सफाई दिएको हो । पाटन अदालतले जिल्ला अदालत काठमाडौंले गरेको फैसला उल्टाउँदै उनलाई निर्दोष ठहर गरेको हो ।
उच्च अदालतका न्यायाधीशद्वय सुदर्शनदेव भट्ट र अञ्जु उप्रेती ढकालको इजलासले सन्दीपलाई निर्दोष ठहर गर्यो । गौशाला २६ (परिवर्तित नाम) ले हालेको मुद्दामा जिल्ला अदालतले सन्दीपलाई दोषी ठहर गर्दै ८ वर्षको जेल सजाय सुनाएको थियो । उक्त फैसला उल्टाउन माग गर्दै सन्दीपले उच्चमा पुनरावेदन गरेका थिए ।
जिल्ला अदालत काठमाडौंले दोषी ठहर गरेपछि उनी नेपाल क्रिकेट संघबाट निलम्बित थिए । आजको फैसला सँगै क्यानको निलम्बन फुकुवा भए सन्दिप टी-२० विश्वकपमा खेल्न जाने अवस्था छ ।
