काठमाडौं । ७१ वर्षको उमेरमा नेकपा एमालेका नेता तथा संविधानसभा अध्यक्ष सुवास नेम्वाङको निधन भएको छ ।
सामान्य रुघाखोकी लागेर घरमा आराम गरिरहेका नेम्वाङलाई गएराति हृदयघात भएपछि उपचारका लागि राति १ः३० बजे त्रिवि शिक्षण अस्पताल लगिएकामा उपचारको क्रममा त्यहीँ निधन भएको थियो ।
अहिले बिहान ७ बजेदेखि पार्टी कार्यालयमा उहाँको शव श्रद्धान्जलीका लागि राखिन लागिएको छ । नेता नेम्वाङको निधनको खबर सुन्न साथ शीर्ष नेताहरू महाराजगन्जस्थित शिक्षण अस्पताल पुगेका थिए ।
नेम्वाङका दुवै छोरा विदेशमा भएकाले आएपछिमात्रै अन्त्यष्टि गर्ने तयारी छ ।
संविधान सभाका अध्यक्ष तथा नेकपा एमालेका उपाध्यक्ष सुवासचन्द्र नेम्वाङ इलाम क्षेत्र २ बाट प्रतिनिधि सभा सदस्यका लागि निर्वाचित भएका थिए। उनी पाँचौं पटक निर्वाचित भएका हुन् ।
