काठमाडौं । आजदेखि मलेसियाको युकेएम ओभलमा सुरु भएको पुरुष यू–१६ क्रिकेट इस्ट कपमा नेपालल् जिवयी सुरुवात गरेको छ । ओपनर प्रसिद्ध जैसीको अर्धशतकको मद्दतमा सिंगापुरले दिएको १ सय ३९ रनको लक्ष्य नेपालले ३३.३ ओभरमा ४ विकेटको क्षतिमा भेट्टायो । जैशीले ९७ बलमा नटआउट ५५ रन बनाए ।
पहिलो विकेटका लागि ओपनर सुर्याशु कोइराला र प्रसिद्ध जैसीले ८.१ ओभरमा ४१ रनको साझेदारी गर्दै नेपाललाई राम्रो सुरुवात दिलाएका थिए । ७ बलमा २ चौकाको सहयोगमा ९ रन बनाएका ओपनर सुर्यांशु रिटायर्ड हर्ट भए । विकेट किपर शिवांश बजगाई ९ रन बनाउँदै आकाश तेजाको बलमा क्याच आउट हुन पुगे ।
दोस्रो विकेटका लागि रौनक श्रीवास्तव र प्रसिद्ध जैसीले ८८ बलमा ६३ रनको साझेदारी गरेपछि नेपाल जित उन्मुख भएको थियो । ४४ बलमा ५ चौका र १ छक्काको सहयोगमा ४० रन बनाएका रौनक श्रीवास्तव आकाश तेजाको बलमा क्याच आउट भए ।
जोय थापा ४ रनमा आउट हुँदा सुगम बुढाथोकी शून्य रनमै पेबेलियन फर्किए । शुभम खनाल ९ रनमा नटआउट रहे ।सिंगापरका लागि आकाश तेजाले ३ विकेट लिँदा युभान पाण्डेले एक विकेट हात पारे । त्यसअघि टस जितेर पहिले ब्याटिङ गरेको सिगांपुर ३६.१ ओभरमा १ सय ३८ रन बनाउँदै अलआउट भयो ।
