काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई प्रहरीले पक्राउ गरेको छ । लामिछानेलाई पक्राउ गर्न प्रहरी घरमै पुगेको थियो ।
उच्च अदालतले आदेश दिएकाे केहीबेरमै प्रहरी रविकाे बुढानिलकण्ठस्थित निवास पुगेर पक्राउ गरेकाे हाे ।
उच्च अदालत तुलसीपुरको बुटवल इजलासका न्यायाधीश रमेश ढकाल र स्वीकृति पराजुलीको संयुक्त इजलासले जिल्ला अदालतको आदेश बदर गर्दै थुनामा पठाउने आदेश गरेको थियो ।
प्रहरीको केन्द्रीय अनुन्धान ब्युरो (सीआईबी) का एसएसपी होबिन्द्र बोगटी नेतृत्वको टोलीले लामिछानेलाई शुक्रबार साँझ ९ बजे घरबाटै नियन्त्रणमा लिएको हो।
लामिछानेलाई आजै रुपन्देही लगिने या काठमाडाैं नै राखिने टुंगाे छैन ।
