यात्रुबाहक बस त्रिशुली नदीमा खस्दा ५ जनाको मृत्यु ३७ घाइते

काठमाडौं । कपिलबस्तुबाट काठमाडौं आउँदै गरेको यात्रुबाहक बस त्रिशुली नदीमा खस्दा ५ जनाको मृत्यु हुनका साथै ३७ जना घाइते भएका छन् ।

बसका चालक समेत घाइते सबैलाई ससस्त्र प्रहरी बलको टोलीले उद्दार गरी उपचारका लागि अस्पताल पठाएको छ ।

कपिलबस्तुबाट काठमाडौं आउदै गरेको लु २ ख २१२१ नम्बरको बस आज बिहान ४ बजेतिर धादिङको गजुरी गाउँपालिकको घाटबेसीस्थित पृथ्वी राजमार्गबाट त्रिशुली नदीमा खसेको प्रहरीले जनाएको छ ।

बसमा ५० जना यात्रु सवार रहेको बताइएको छ । मृतकहरुको परिचय अझै खुल्न सकेको छैन ।