काठमाडौं । कलिउड नायिका रेखा थापाले छोरीलाई जन्म दिएकी छन् । रेखाले शुक्रबार पहिलो सन्तानको रुपमा छोरीलाई जन्म दिएकी हुन् ।
उनले अमेरिकामै छोरीलाई जन्म दिएपछि सामाजिक संजालमा छोरीको तस्वीर समेत सार्वजनिक गरेकी छिन्।
अहिले रेखा र छोरीको स्वास्थ्य अवस्था राम्रै रहेको बुझिएको छ। रेखाका श्रीमान बलराम शाही ठकुरीले अहिले अमेरिकामा पत्नी र छोरीको हेरचाह गरिरहेका छन्।
रेखाले छोरीको नाम समेत राखिसकेकी छिन्। रेखाले राखे अनुसार छोरीको नाम वैभवी राज्यलक्ष्मी शाह रहेको छ । छोरीको तस्वीर सार्वजनिक गर्दै रेखाले एउटा स्टाटस समेत लेखेकी छिन्।
‘हेर आकाशमा कालो बादल वरिपरी चादिको घेरा छ, हेर धर्तिमा तिमी जन्मिनुको महान कारण छ।’- रेखाले स्टाटसमा लेखेकी छिन् । अहिले रेखालाई बधाई दिनेहरुको ओइरो लागेको छ।
