काठमाडौं । सुन तस्करी प्रकरणमा पक्राउ पर्नेको संख्या २७ पुगेको छ । नेपाल प्रहरीको केन्द्रीय अनुसन्धान ब्युरो (सीआईबी)ले बाराका शिवकुमार सर्राफलाई उक्त प्रकरणमा पक्राउ गरे पछि संख्या २७ पुगेको हो ।
गत साउनमा ३ गते त्रिभुवन अन्तर्राष्ट्रिय विमानस्थल भन्सारबाट जाँचपास भई बाहिरिएपछि राजस्व अनुसन्धान टोलीबाट बरामद अवैध ६० किलो सुन तस्करी प्रकरणमा थप एक जना पक्राउ परेका छन् ।
राजस्वले सुन तस्करीबारे अनुसन्धान गर्न २१ साउनमा सीआईबीलाई जिम्मेवारी हस्तान्तरण गरेको थियो। ब्रेक सु भनेर तस्करी गरिएको सुन प्रकरणमा चिनियाँ व्यापारी, उनीहरुसँग साँठगाँठ भएका नेपाली र भारतीयलाई पक्राउ गरी प्रहरीले अनुसन्धान गर्दै आएको छ।
