काठमाडौं । मौसम पूर्वानुमान महाशाखाका अनुसार देशभर आंशिक देखि सामान्य बदली रहने छ ।
महाशाखाका अनुसार कोशी प्रदेशका थोरै स्थानहरूमा तथा देशका बाँकी भू-भागका केही स्थानमा हल्का वर्षा भइरहेको छ ।
आज दिउँसोः देशभर आंशिक देखि सामान्य बदली रहने जनाइएको छ । कोशी प्रदेश सहित बागमती र गण्डकी प्रदेशका पहाडी भू-भागका केही स्थानहरूमा र देशका बाँकी भू-भागका थोरै स्थानहरूमा हल्का देखि मध्यम वर्षाको सम्भावना रहेको छ ।
रातीः देशभर आंशिक देखि सामान्य बदली रहनेछ । कोशी, बागमती र गण्डकी प्रदेशको थोरै स्थानहरूमा र बाँकी भू-भागको एक-दुई स्थानमा हल्का देखि मध्यम वर्षाको सम्भावना रहेको छ ।
