३१ जेष्ठ २०८१, बिहिबार
३१ जेष्ठ २०८१, बिहिबार

रघुनाथ क्याम्पसमा प्रक्रिया मिचेर कर्मचारी नियुक्त, विवादपछि एकदिनमै कर्मचारी फिर्ता

कैलाली , ०७ भदौ : मध्य कैलालीको जोशीपुर ०७ मा रहेको रघुनाथ आदर्श बहुमुखी क्याम्पसमा प्रक्रिया मिचेर कर्मचारी राखेको खूल्नमा आएको छ । क्याम्पसमा १ जना कार्यालय सहयोगी र १ जना पुस्तकालय सहयोगी प्रक्रिया नै नपुर्याई राखे पछि विवाद उत्पन्न भएको हो । विवाद पछि कर्मचारीहरुलाई एक दिनमै क्याम्पस प्रशासनले फिर्ता पठाएको छ ।

कुनै विज्ञापन नै नखोली २ जना कर्मचारी क्याम्पसले दैनिक ज्यालादारीमा राखेको थियो । राजनीतिक पहुँचका आधारमा कर्मचारी नियुक्ति गरेको भन्दै स्थानीय र सरोकारवाला निकायले विरोध जनाएका थिए । पुस्तकालय सहयोगीमा कलम बहादुर बम र कार्यालय सहयोगीमा विहारिलाल डगौरा दुवैलाई क्याम्पसले भदौ ५ गते नियुक्त गरेको क्याम्पस प्रमुख नृप कुंवरले बताए ।

प्रक्रिया मिचेर कर्मचारी राखेको विषयमा युग प्रेसले क्याम्पस प्रमुख कुँवरलाई बुझ्दा घुमाउरो भाषामा उनले आबस्यक प्रक्रिया नपुगाएर कर्मचारी राखेको कुरा स्वीकार गरे । उनले भने ,“अहिले क्याम्पसले आर्थिक भार वहन गर्न नसक्ने भएर विज्ञापन नखोली ज्यालादारीमा कर्मचारी राखेका हौ ।” सबैतिरबाट कर्मचारी राखेकोमा विरोध भएपछि हामीले आजबाट कर्मचारीहरु ( कार्यालय सहयोगी र पुस्तकालय सहयोगी) लाई अर्को निर्णय नहुँदा सम्मका लागि काममा नआउन भनेर निर्देशन दिएका छौं, क्याम्पस प्रमुख कुँवरले भने ।

क्याम्पसको सञ्चालक समितिले विज्ञापन खोलेर खुला प्रतिस्पर्धाबाट कर्मचारी राख्नुपर्ने निर्णय गरेको भएतापनि क्याम्पस प्रमुख र सञ्चालक समिति अध्यक्ष मिलेर आफ्ना आसेपासे नियुक्त गरेको एक स्थानीयले बताए । प्रक्रिया नै नपुर्याई कर्मचारी राख्ने कार्य गैरकानुनी भएको उनको भनाइ छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (13%)
  • अचम्मित (0%)
  • हाँस्यास्पद (88%)
  • आक्रोशित (0%)
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
प्रतिक्रिया

युग प्रेस डटकम

युग प्रेस डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई yugpress9123@gmail.com मा पठाउन वा ९८४८८६७८३३ फोन गर्न सक्नुहुनेछ ।

सम्बन्धित खबर

सामाजिक संजाल

लाेकप्रिय

भर्खरै

spot_img
spot_img

छुटाउनुभयो कि ?