काठमाडौं । मन्दिर भित्र अश्लील हर्कत गरेर भिडिओ बनाएको आरोपमा एक जना पक्राउ परेका छन् । पक्राउ पर्नेमा धनुषाको औरही गाउँपालिका-६ का अनिरूद्र यादव रहेका छन् ।
जनकपुरकाे जानकी मन्दिर विवाहमण्डप परिसरभित्र युवतीसँग अश्लील हर्कत गरेको टिकटक भिडिओ सामाजिक सञ्जालमा भाइरल भएपछि केही व्यक्तिले प्रहरीलाई दिएको उजुरीको आधारमा पक्राउ गरिएको प्रहरीले जनाएको छ।
उक्त उजुरीउपर थप अनुसन्धान भइरहेको जिल्ला प्रहरी कार्यालय धनुसाले जनाएको छ । भिडिओमा देखिएकी युवती र भिडिओ खिच्ने व्यक्तिकाे खोजी भइरहेकाे उनले बताए ।
