हेमन्त प्रकाश ओली साउन १० , दाङ । नेपाल कम्युनिस्ट पार्टी निकट अखिल नेपाल क्रान्तिकारी ट्रेड युनियन महासंघले धान रोपाइँ सुरु गरेको छ ।
बुधबार संगठनको केन्द्रीय समितिद्वारा दाङको तुलसीपुर-१६ रावतगाउ शान्तीटोल स्थित करिव डेढ बिघा क्षेत्रफलको जमिन भाडामा लिइ धान रोपाइँ सुरु गरिएको हो ।
धान रोपाइँमा सहभागी पार्टीका राप्ती ब्युरो इन्चार्ज सविन सीले पार्टीको उत्पादन योजनालाई योजनाबद्ध ढंगले पकडेको प्रती धन्यवाद व्यक्त गरेका थिए ।
उनले ” पार्टीको आत्मनिर्भर उत्पादन प्रणालीलाई मजबुद तरिकाले संगठनले पकडेको हुँदा संगठनलाई बिशेश धन्यवाद दिँदै नेकपा मिसन उत्पादन अभियानमा रहेको बताए । उत्पादन मार्फत पार्टी र नेता-कार्यकर्तालाई आत्मनिर्भर बनाई समग्र देश र जनतालाइ आत्मनिर्भर बनाउने नेकपाको महान उद्धेश्य घनिभुत ढंगले अगाडि बढाइएको साथै पार्टीको उत्पादन कार्य निरन्तरतामा जाने उनको भनाइ थियो । ”
नेता सविनले निकट भविष्यमै नेकपाको नेतृत्वमा पार्टी , नेता-कार्यकर्ता र जनता आत्मनिर्भर हुने भन्दै बिश्वास व्यक्त गरेका छन् ।
यस्तै धान रोपाइँमा सहभागी संगठनका केन्द्रीय अध्यक्ष श्याम सीले ” बिप्रेसनमा आधारित नेपालको अर्थतन्त्रलाइ न्यूनीकरण गर्नका लागि र उत्पादन मार्फत देशलाई समृद्ध बनाउन सकिन्छ भने सन्देश प्रवाहका लागि पनि संगठनको केन्द्रीय समिती प्रत्यक्ष उत्पादन कार्यमा जोडिएको बताएका छन् ।
नेता श्याम सीले भने – ‘रेमिटेन्समा चलिरहेको अर्थतन्त्रले नेपाली नागरिकलाई परनिर्भर बनाएको छ । हामीले परनिर्भर अर्थतन्त्रलाई न्यूनीकरण गर्ने उदेश्यसहित धान रोपाइँ सुरु गरेका छौँ । हामी हाम्रै पालामा आत्मनिर्भर अर्थतन्त्रको विकास गरि देशलाइ समृद्ध पार्न चाहान्छौँ । नेपालमा दलाल पुजीवादी संसदीय सत्ताको विकल्पमा हामी वैज्ञानिक समाजवाद प्राप्तिको दिशामा छौँ । अहिले हामी राजनीतिक व्यवस्था बदल्न हिडेका छौँ । साथसाथै हामिले समाजवादको अनिवार्य सर्त उत्पादनलाई पनि छोडेका छैनौं । यो निरन्तर अगाडि बढ्नेछ । आगामी वर्ष यो भन्दा सयौं गुणा बढाएर उत्पादन कार्यलाइ व्यवस्थित गर्दै जाने सोचेका छौँ ।‘
त्यसै गरी धान रोपाइँमा सहभागी संगठनका केन्द्रीय उपाध्यक्ष डिल्ली सीले ” कम्युनिस्ट पार्टी , संगठन , जनता कोहिपनी श्रमबाट छुट्नु हुदैन भन्ने सन्देश उत्पादनवाट दिन खोजेको वताए ।
अखिल नेपाल क्रान्तिकारी ट्रेड युनियन महासंघ केन्द्रीय समितिको धान रोपाइँ भोलि साझसम्म सकिने संगठनले जनाएको छ ।
धान रोपाइँमा संगठनका केन्द्रीय समिती मातहतका नेता , स्थानीय पार्टी नेता-कार्यकर्ता एवम पार्टीका शुभेच्छुक , शुभचिन्तक तथा आम जनसमुदायको उल्लेख्य सहभागीता रहेको छ ।
