२८ वर्षीय रोहित चौधरीको गोली हानी हत्या

सुनसरी । आज शुक्रवार विराटनगर महानगरपालिका वडा नम्बर ५ का २८ वर्षीय रोहित चौधरीको हत्या भएको छ । प्रहरीका अनुसार चौधरीको सुनसरीको धरान,इटहरी सडक खण्डको सेउती पुल नजिकै गोली हानी हत्या गरिएको हो ।

चौधरीको साथमा भएको नगद रकम र मोबाइल पनि लुटिएको प्रहरीले जनाएको छ ।

गोली प्रहार गरेको कारण नखुलेको र घटनाको अनुसन्धान भइरहेको सुनसरीका प्रहरी उपरीक्षक प्रभु ढकालले जानकारी दिनुभयो ।