काठमाडौं । १० हजार अमेरिकी डलरसहित एक जना विदेशी नागरिक पक्राउ परेका छन् ।
त्रिभुवन अन्तराष्ट्रिय विमानस्थलबाट आइतबार राति नेपाल एयरलाइन्सको जहाजबाट दुबई जान लागेका लेबनानी नागरिक एल यमन महम्मदलाई १० हजार अमेरिकी डलर पक्राउ गरिएको प्रहरीले जनाएको हो ।
प्रहरीका अनुसार विमानस्थलका नियमित जाँचको क्रममा उनको साथमा १० हजार डलर फेला परेको हो । प्रहरी स्रोतले भन्यो,‘हामी विमानस्थलमा नियमित जाँच गरिरहेका थियौं। उहाँको साथमा १० हजार अमेरिकी डलर फेला पर्यो। रकमको स्रोतको विषयमा सोधपुछ गर्दा उहाँले उचित जवाफ दिन सक्नुभएन। त्यसैले पक्राउ गरिएको हो ।’
प्रहरीले उनलाई पक्राउ गरेर थप अनुसन्धान गरिरहेको जनाएको छ।
