काठमाण्डाै । आज परेको बिश्व जनसंख्या दिवश सन् १९८९ देखि हरेक वर्ष जुलाईको ११ तारिखमा दिवस मनाउने गरिएको छ ।
सन् १९८७ को जुलाई ११ तारिखका दिन विश्वको जनसङ्ख्या झण्डै ५ अरब पुगेको अवसरमा भएको पपुलेशन समिटले यो दिवस मनाउने घोषणा गरेको थियो । आज विश्व जनसङ्ख्या दिवस,‘लैङ्गिक समानतालाई बनाऔँ अपरिहार्य रिवाज : सम्भावनाका ढोका खोल्न सुनौँ महिलाका आवाज’भन्ने नाराका साथ मनाइँदै छ ।
नेपालको जनसङ्ख्या अहिले २ करोड ९१ लाख ९२ हजार ४ सय ८० छ । राष्ट्रिय जनगणना २०७८ को नतिजाअनुसार नेपालको जनसाङ्ख्यिक संरचनामा केही फेरबदल आएको देखिन्छ । स्वास्थ्य, शिक्षा र पूर्वाधारको क्षेत्रमा सुधार देखिए पनि सहरी तथा सुविधासम्पन्न ठाउँमा जनसङ्ख्याको चाप बढ्दो छ ।
आज पनि देशमा लैङ्गिक विभेद , वर्गीय विभेद र सामाजिक कुरीतिहरु जस्ताको त्यस्तै बहाएकाले यसको न्यूनीकरणका लागि पहल कदमी लिनपर्ने देखिन्छ । बढ्दो जनसंख्याले गरिबी, भोकमारी ,जस्ता समस्या निम्तिने हुँदा सन्तान उत्पादन र बसाइँसराइ लाई व्यवस्थित गर्न जरुरी छ ।
