कैलाली : लागुऔषधसहित धनगढीका २ युवक पक्राउ परेका छन्। पक्राउ पर्नेमा धनगढी उपमहानगरपलिका–५ का २८ वर्षीय अनमोल शाह र धनगढी–६ को १८ वर्षीय जमनसिंह धामी रहेको प्रहरीले बताएको छ।
उनीहरुलाइ कैलालीको गोदावरी नगरपालिका–२ बसपार्कमा २ ग्राम ११० मिलीग्राम लागुऔषधसहित मंगलवार इलाका प्रहरी कार्यालय मालाखेतीबाट खटिएको प्रहरी टोलीले पक्राउ गरेको हो। अनमोल शाहले चलाएको से ७ प १४०१ नम्बरको मोटरसाइकल संकालागि चेकजाँच गर्दा लागुऔषध फेला पारी मोटरसाईकलसहित दुबैलाइ नियन्त्रणमा लिएको जनाइएको छ। यस सम्बन्धमा प्रहरीले थप अनुसन्धान गरिरहेको छ ।
